Կայացավ «Փաստաբանների ֆուտբոլի գավաթ 2026» առաջնությունը. հաղթական գավաթը նվաճեց «Բլից ֆայվ» ֆուտբոլային թիմը

26.04.2026 20:31

Այսօր կայացավ փաստաբանների ֆուտբոլային առաջնության եզրափակիչ փուլը:

Առաջնության խաղերին ներկա էր ՀՀ փաստաբանների պալատի նախագահ Սիմոն Բաբայանը, ներկայացուցիչներ Պալատի աշխատակազմից, Ֆրանսիայից Հայաստան ժամանած փաստաբան գործընկերներ և փաստաբանների ֆուտբոլային առաջնությամբ հետաքրքրված այլ հյուրեր:

Փաստաբաններից կազմված թիմերը շաբաթներ շարունակ պայքարում էին «Փաստաբանների ֆուտբոլի գավաթ 2026» առաջնության հաղթական գավաթը նվաճելու համար:

Եզրափակիչ խաղերն անցան բուռն մթնոլորտում` անկանխատեսելի զարգացումներով և գեղեցիկ գոլային փոխանցումներով:

Հաղթական գավաթը նվաճեց «Բլից ֆայվ» թիմը` 8:1 հաշվով, առաջ անցնելով մրցակից «Հայաստան աշխարհ» թիմից,որը զբաղեցրեց առաջնության երկրորդ պատվավոր հորիզոնականը :

Երրորդ տեղը զբաղեցրեց «Ֆենիքս» թիմը` 3:2 հաշվով` մեկ միավորով առավելություն գրանցելով մրցակից «Ադվոքեյթս» թիմից: «Ադվոքեյթս» թիմը գրավեց չորրորդ տեղը: