2026 թվականի հուլիսի 1-ին տեղի է ունեցել ՀՀ փաստաբանական ակադեմիայի շրջանավարտների արտոնագրման արարողությունը:

Միջոցառման մեկնարկին հնչել է Հայաստանի Հանրապետության օրհներգը:

Ողջույնի խոսքով և ապագա փաստաբաններին ուղղված խորհուրդներով ու բարեմաղթանքներով հանդես են եկել ՀՀ փաստաբանների պալատի նախագահ Սիմոն Բաբայանը, ՀՀ փաստաբանական ակադեմիայի ռեկտոր Արա Զոհրաբյանը, Փաստաբանների պալատի խորհրդի անդամ Մարինե Ֆարմանյանը:

 Ելույթ են ունեցել նաև հավակնորդներ Հասմիկ Քոչարյանը և Լիլյա Հովակիմյանը:

Այնուհետև տեղի է ունեցել հավակնորդների հանդիսավոր երդման և փաստաբանական արտոնագրերի շնորհման արարողությունները: Փաստաբանների պալատի խորհրդի առաջ հանդիսավոր երդումից հետո 120 հավակնորդ ստացել է փաստաբանական գործունեության արտոնագիր:

Շնորհավորում ենք նոր արտոնագրված փաստաբաններին և մաղթում մասնագիտական հաջողություններ, սկզբունքայնություն, անաչառություն և նվիրում իրենց պատասխանատու գործունեության ընթացքում։